ﻣﻤﻜﻦ ﺃﻋﺮﻑ ﻋﻤﻖ ﺇﺣﺴﺎﺳﻚ؟
ﻭﻫﻞ ﻻﺯﻟﻨﺎ ﺟﻤﺎﻋﺘﻚ ﻭﻧﺎﺳﻚ؟
ﻭﻟﺴﻪ ﺣﺪﻳﺜﻚ ﺑﻴﻦ ﺟﻼﺳﻚ؟
ﻭﻻ ﺍﻟﻮﺍﻗﻊ ﻏﻴﺮ ﺭﻭﺣﻚ ... ﻭﻟﻮﺙ ﺣﺘﻰ ﻋﺒﻴﺮ ﺃﻧﻔﺎﺳﻚ؟ !!
***
ﻣﺎﺑﺘﺨﻴﻞ ﻳﻮﻡ ﺗﺘﻐﻴﺮ .... ﺃﻭ ﺗﺘﺤﻮﻝ ﻋﻨﻰ ﺣﻮﺍﺳﻚ !!!
ﺇﻧﺘﺎ ﺭﺑﻴﻊ ﺍﻟﻌﻤﺮ ﺍﻟﺰﺍﻫﺮ .... ﻭﻣﻬﻤﺎ ﺗﻌﻠﻰ ﺑﻨﻔﻀﻞ ﺳﺎﺳﻚ
ﻭﺣﺒﻨﺎ ﺑﻔﻀﻞ ﻧﻮﺭ ﺃﻳﺎﻣﻚ ... ﻭﻟﻮﻥ ﺃﺣﻼﻣﻚ ... ﻭﺿﻰ ﻧﺒﺮﺍﺳﻚ
ﻭﺇﻧﺘﺎ ﺍﻟﻌﻴﺪ ﺍﻟﻌﺎﺩ ﺑﺎﻟﻔﺮﺣﻪ .... ﻭﻋﻤﺎ ﺍﻟﺤﻠﻪ ﺭﻧﻴﻦ ﺃﺟﺮﺍﺳﻚ
ﻭﺇﻧﺘﺎ ﺍﻟﻨﻴﻞ ﺍﻟﻔﺎﺽ ﺑﻰ ﺧﻴﺮﻭ ... ﻭﻧﺤﻨﺎ ﺍﻟﻤﻄﺮ ﺍﻟﺒﺮﻭﻯ ﻳﺒﺎﺳﻚ
ﻭﺍﻧﺖ ﺍﻟﻜﻨﺰ ﺍﻟﻐﺎﻟﻰ ﻋﻠﻴﻨﺎ ... ﻭﻧﻔﻀﻞ ﺟﻨﺒﻚ ﺯﻯ ﺣﺮﺍﺳﻚ
ﺭﻭﺣﻚ ﺟﻮﻫﺮ ﻣﺎﺑﺘﻜﺮﺭ .. ﻭﻧﺤﻦ ﺑﻨﻌﺮﻑ ﻗﻴﻤﺔ ﻣﺎﺳﻚ
ﻛﻀﺐ ﺍﻟﺤﺎﻭﻝ ﻳﺠﻬﻞ ﻗﺪﺭﻙ .... ﻭﻗﺎﻝ ﺑﻰ ﻛﻠﻤﻪ ﺃﻫﺎﻧﻚ ﻭﺩﺍﺳﻚ
ﺗﺴﻠﻢ ﻟﻴﻨﺎ ﻛﺘﻴﺮ ﻳﺎﺭﻳﺪﻧﺎ .... ﻳﺴﻠﻢ ﻋﻤﺮﻙ .... ﻭﻳﺴﻠﻢ ﺭﺍﺳﻚ
ﻋﺎﻟﻰ ﻣﻘﺎﻣﻚ ... ﻭﻳﻦ ﺃﻳﺎﻣﻚ .... ﻭﻣﻴﻦ ﺑﺎﻟﻠﻪ ﺍﻟﻨﺎﻟﻚ ﻭﺣﺎﺯﻙ؟ !!
ﻣﺎﺑﺘﺨﻴﻞ ﺍﻧﻚ ﺗﻨﺴﻰ .... ﻭﺃﻧﺎ ﻣﺘﺄﻛﺪﻩ ﻣﻦ ﺇﺧﻼﺻﻚ
****
ﻭﻣﻤﻜﻦ ﺃﺣﻠﻒ ﺇﻧﻰ ﺣﺒﻴﺒﺘﻚ
ﻭﺇﻧﻰ ﺻﺪﻳﻘﺘﻚ ... ﻭﺇﻧﻰ ﻗﺮﻳﺒﺘﻚ
ﻭﺇﻧﻰ ﺍﻟﺰﻭﻝ ﺍﻟﻮﺍﺛﻖ ﻓﻴﻬﻮ .... ﺑﻴﻔﻬﻢ ﻗﺼﺪﻙ ﻭﻳﺴﺘﺮ ﻋﻴﺒﺘﻚ
ﻭﺇﻧﻰ ﺑﺴﺎﻣﺢ ﺩﺍﻳﻤﺎ " ﻭﺃﻏﻔﺮ ... ﺡﺗﻰ ﻇﻨﻮﻧﻚ ﻭﺷﻜﻚ ﻭﺭﻳﺒﺘﻚ
ﻭﺇﻧﻰ ﺧﻠﻴﻠﺘﻚ .... ﻭﺇﻧﻰ ﺻﻐﻴﺮﺗﻚ ... ﻭﺇﻧﻰ ﺣﻼﻟﻚ ﻭﺇﻧﻰ ﺭﺑﻴﺒﺘﻚ
ﻭﺇﻧﻰ ﻣﻬﻨﺪﺱ ﻛﻞ ﺃﻳﺎﻣﻚ .... ﻭﻓﻰ ﺃﻭﺟﺎﻋﻚ ﺑﺒﻘﻰ ﻃﺒﻴﺒﺘﻚ
ﻭﺇﻧﻰ ﺍﻟﻌﺸﺘﺎ ﻣﻌﺎﻙ ﺍﻟﻔﺮﺣﻪ .... ﻭﺇﻧﻰ ﻭﻗﻔﺘﺎ ﻣﻌﺎﻙ ﻓﻰ ﻣﺼﻴﺒﺘﻚ
ﻭﺇﻧﻰ ﺍﻟﻨﻮﺭ ﺍﻟﻀﻮﺍ ﻇﻼﻣﻚ .... ﻭﺇﻧﻰ ﺍﻷﻣﻞ ﺍﻟﺒﺪﺩ ﺧﻴﺒﺘﻚ
ﻭﺇﻧﻰ ﻭﺣﺎﺗﻚ ﻣﺎﺑﺘﻜﺮﺭ ... ﻻ ﻓﻰ ﺣﻀﻮﺭﻙ ... ﻭﻻ ﻓﻰ ﻏﻴﺒﺘﻚ
ﻭﺇﻧﻰ ﺣﺒﻴﺒﺔ ﻋﻤﺮﻙ ﻛﻠﻮ .... ﺻﺒﺎﻙ ﻭﺷﺒﺎﺑﻚ .... ﻭﻋﺠﺰﻙ ﻭﺷﻴﺒﺘﻚ
*****
ﻭﺣﺎﻭﻝ ﺃﻓﻬﻢ ﻋﻤﻖ ﺇﺣﺴﺎﺳﻚ
ﻭﺃﻋﺮﻑ ﺇﻧﻨﺎ ﺃﺭﻭﻉ ﻧﺎﺳﻚ
ﻭﺇﻧﻨﺎ ﺭﻳﺪﻙ ﻭﺳﺎﺳﻚ ﻭﺭﺍﺳﻚ
ﻭﻣﻬﻤﺎ ﺗﺒﻌﺪ ﻋﻨﻰ ﻭﺗﺮﺣﻞ ... ﺑﺮﺿﻚ ﺑﻔﻀﻞ ﻳﺎﺧﻰ ﻣﻼﺫﻙ
ﻭﺑﺠﺮﻯ ﻣﺤﻞ ﺍﻟﺪﻡ ﻓﻰ ﻭﺭﻳﺪﻙ .... ﻭﺑﻰ ﺗﺘﺤﺮﻙ ﻛﻞ ﺣﻮﺍﺳﻚ
ﺳﻴﺐ ﺃﻭﻫﺎﻣﻚ ﻭﺃﻟﺤﻖ ﻧﻔﺴﻚ .... ﺃﻧﺎ ﻳﺎﻏﺎﻟﻰ ﺷﻬﻴﻖ ﺃﻧﻔﺎﺳﻚ
ﻭﺩﻭﻧﻰ ﺑﺘﻔﻘﺪ ﻣﻌﻨﻰ ﺣﻴﺎﺗﻚ .... ﻭﺑﻴﻨﻄﻒﻯ ﺑﺎﻟﺠﺪ ﻧﺒﺮﺍﺳﻚ